Glitter @ HotFreeLayouts.com

Sunday, April 29, 2007

الدعاية الاعلانية والافكار المبتكرة .... الجزء الأخير

يبدو انه قد سقطت منى سهوا بعض الصور اثناء اصدار الاجزاء الثلاثة لموضوع الدعاية الاعلانية المبتكرة
لذلك سيكون هذا البوست هو الرابع والمكمل والاخير لهذه المجموعة
اترككم مع الصور

احدي الدعايات لشركة بريد ، حيث نرى الفتاة محتضنة بالرسالة بكل حنان وشوق

تشهد دعايات شركات النظافة حروبا شرسة وهذه احدي الاعلانات المعبرة جدا
ونري فى الاعلان الفرق فى درجة اضاءة عمود الانارة المستهدف وبين غيره من الأعمدة

دعاية عن احدي انواع الشوكولاته
حيث لم تستطع الفتاة التوقف عن اكلها ، حتى اثناء تصويرها
وفى النهاية فقد ظهرت الصورة على جواز السفر

احدي الحملات الاعلانية والتى تشجع السائقين على ارتداء خوذة الرأس لتحميهم من الحوادث المفاجئة

مكتوب تحت الصورة: هذا ما سوف يحدث لك اذا لم تلبس الهيلميت

أرجو ان أكون قدمت عملا قد نال اعجابكم وأعدكم بالمميز دائما

اسامة سامى

22 comments:

voice of love said...

الله ينور يا باشمهندس
فعلا فن الاعلان ده عالم كبير ومحتاج فنان زيك يحطه فى بؤرة الضوء
خالص تحياتى صديقى الفنان

كلام لوجيك said...

voice of love

اهلا بصوت الحب ...نورتينى واخجلتينى
والكلام ده كتير عليا
ويارب كده دايما افضل عند حسن ظنكم وتعجبكم مواضيعى

عارفة يا دكتورة ... انا دايما بحترم القاريء بتاعى عن طريق اختيار موضوعات وصور تليق بمقامكم الكبير عندي

خالص شكري وتقديري لكى ولكل زواري الأعزاء
وانا سعيد ان كسبت صديقة محترمة زيك للمدونة
نورتينى

مرمر said...

عافية عليك يافنان
بصراحة مجموعة صور هايلة والموضوع بكل اجزاءه تحفة
بتجيب الحاجات دى منين؟؟؟
كل مرة اقول مش هتعرف تجيب موضوع اجمد من اللى قبله والاقيك فاجأتنا بكل جديد وجميل
ارفعلك القبعة
وأحييك على اختياراتك واتمنالك مزيد من النجاح والابداع

فى انتظار المزيد

SomeOne said...

اعلانات

ياله من عالم كبير

:)

احييك على اختيار الصور

gohayna said...

الله عليك وعلي اختياراتك

بجد اسلوب رائع للاعلانات

وفي نفس الوقت مش مبتذل

بجد تسلم ايدك

تحياتي

سابرينا said...

تألق!!!!!1
i liked the message photo!

كلام لوجيك said...

دكتورة الرومانسية
مرمر
والله يا مرمر منا عارف أقولك ايه
ربنا يخليكى ومتحرمش ابدا من دعمكم وتشجيعكم
انا فعلا ساعات بقول انى مش هعرف اعمل موضوع اجمد من اللى عملته سابقا وساعات بحس انى خلاص ماعدش عندي افكار جديدة
بس سبحان الله ، بلاقى نفسى بعمل حاجات جديدة وجميلة
يمكن ده بسبب حرصى على اسعادكم وانى افضل دايما على نفس المستوي اللى عودتكم عليه
اشكرك على كلامك الرقيق
خالص تحياتى
نورتينى

كلام لوجيك said...

شادي فايد
اشكرك
واتمنى الا تنقطع زياراتك
نورتنى
----------------------
جهينة
اهلا اهلا بصديقة المدونة الدائمة
كلامك ده بيسعدنى يادكتورة وبيحسسنى انى ماشى فى الطريق الصحيح
وانشاء الله اوعدك بمواضيع مميزة دائما
نورتينى يا مبدعة

--------------------
sabrina
اهلا بيكى دايما
انتى مختفية بقالك فترة عالبلوج بتاعك
لعل المانع خير

وفعلا الدعاية بتاعة شركة البريد جامده ومعبرة جدا
وسعيد ان الموضوع عجبك
نورتينى حقيقي
تحياتى لكم جميعا

Bossy said...

السلام عليكم

ايه الحاجات الجامده دي يا افكارك
الاعلانات دي افكرها جميله جدا زي اللي عندنا في مصر بالظبط

Anima said...

الأولى حلوة كثيييييييييييير

ميرسي ع الصور

أحمد سلامــة said...

ات بوستات مع بعض
بجد جامده الفكره جدا انك بكل سهوله تجمعلنا شوية الصور التحفه دي
اكتر اعلانين عجبوني هما القهوة طبعا وشركه البريد
واللي مادخلوش دماغي هما ماركات الملابس الرجالي ومحل الانتيكات
بجد شغلك عالمدونه لذيذ قوي

ibn nasser - ابن ناصر said...

مدونه رائعه ومواضيع جميله جدا
تحياتي

كلام لوجيك said...

بوسى العزيزة
وعليكم السلام
اهلا بيكى ودائما تنورينى
الحاجات الجامدة دي بتعب كتير عشان اجمعهالكم واجيبهالكم عشان تحوز على رضاكم
بس انا معترض على حاجه
الافكار اللى عندنا فى مصر لم تصل بعد لمثل تلك الأفكار الذكية جدا التى ابتكروها فى الغرب
فمازلنا حتى الان ننتهج سياسة الرقص والغناء فى الاعلان
مازالت معظم الحملات الاعلانية سطحية جدا
ولكن هذا لايمنع من وجود بعض الاعلانات المبتكرة مؤخرا
حيث حدث تطور رهيب لدي شركات الدعاية والاعلان وهذا راجع للمنافسة المشتعله بينهم

نورتينى

anima
ياهلا والله
لا ميرسى على واجب
اشكرك على زياراتك المستمرة
تحياتى

كلام لوجيك said...

احمد سلامة
مرحبا بالمبدع
تعليقك بيدل على انك شاهدت المجموعة كاملة
وانا سعيد انها عجبتك وسعيد اكثر بزيارتك
وانا متفق معاك ان اعلان ماركة الملابس الرجالى مش قد كده
نورتنى حقيقي واهلا بيك دائما

ابن ناصر

اهلا اهلا بالناصريين كلهم
اشكرك على اطراءك الغالى وكلامك الجميل
ارجو ان تحوز موضوعاتى دائما على اعجابك
ولا تنسى ان تكرر الزيارة
فدائما يسعدنى تشريفك

whiteangel said...

السلام عليكم
فكره رائعه والموضوع كله على بعضه تحفه
ابدعت فى تنسيق الموضوع ومن قبله فى اختيار الصور

للأمام دائما ان شاء الله
ومزيد من التفوق والنجاح ورضا من الله دايما فى حياتك بإذن الله

ربنا يوفقك
اختك فى الله

كلام لوجيك said...

الملاك الأبيض
كم انا سعيد بزيارتك ومرورك الكريم
وسعيد اكثر بتعليقك الراقى والغالى والمحترم
كلامك جميل وذوقك اجمل
اشكرك بشدة على كلماتك
انا كل الجهد اللى ببذله فى اختيار موضوعاتى والصور انما ابذله لأحوز على رضاكم وان اكون ذو مصداقية
وذلك حتى اسعد بزياراتكم المستمرة وحرصكم على متابعتى

شكرا مرة اخري اختى الكريمة
ومرحبا بكى دائما
دمتى بكل خير

khaled said...

ازيك يا اسامة
مجهود جميل تشكر عليه جدا
و ان كنت غايب من هناك لكن هنا احنا بنطمن عليك
و احلى حاجة التعليقات اللى ع الصور
و حلوة حكاية الشوكولاته دى
ما تاكلهاش بعد كده
:)

loumi said...

اسامه
بجد تناول الافكار جميل جدا جدا
يعنى كل ما اقول دى حلوة الاقى اللى بعدها فكرتها احلى
المسأله كلها ازاى تقدر توصل فكرتك للناس باسلوب مؤثر ولو بصيت حتلاقى اغلب الافكار بسيطه وناعمه بس مؤثره
افتكرت اعلان
بشرى لاهل مصر المحروسه
سوف يحاسب كل مصرى من اليوم بالثانيه مش بالدقيقه
تصدق اليوم ده دمى اتحرق بجد
وحسيت قد ايه فى اسخفاف بعقول البشر فى بلادنا
تحياتى

كلام لوجيك said...

ازيك يا خالد
انا بسعد جدا بزيارتك ومرورك الكريم
شكرا ليك ومتحرمش من سؤالك يا غالى
وسعيد ان الموضوع عجبك وكمان التعليقات
واطمن من ناحية الشوكولاته
انا اصلا مابحبهاش
نورتنى يا برنس

كلام لوجيك said...

loumi

اهلا وسهلا بيكى فى زيارتك الاولى واسعدتينى بزيارتك وياريت تشرفينى باستمرار وكمان تحوز موضوعاتى المصورة على اعجابك

وفعلا كلامك اللى قلتيه هو السبب الرئيسى لنشري ذلك الموضوع بأجزاءه الأربعه
لإن احنا وللاسف بنعتمد فى منهج الدعاية والاعلان على الأغنية والرقص والتفاهة
لكن هما افكارهم عبقرية ورهيبه رغم بساطتها
دايما فى دعاياتهم بيسيبوا المنتج يتكلم عن نفسه
واعلان المحروسة فعلا يحرق الدم وسطحى جدا
ولو دققنا هتلاقى اعلانات كتير قوي تافهة كده زيه بالظبط

نورتينى حقيقي
خالص تحياتى ودمتى بكل خير

Unknown said...

أعلانات خطيرة ... خطيرة .. خطيرة
بعد أذنك أنا حملت عندى صورة البنت الى حاضنة الجرنال لأنها بتعبر عن موضوع حانشره فى مدونتى قريب و لو مش عايزنى أستخدمها قولى و أنا مش حازعل

كلام لوجيك said...

أعلانات خطيرة ... خطيرة .. خطيرة
بعد أذنك أنا حملت عندى صورة البنت الى حاضنة الجرنال لأنها بتعبر عن موضوع حانشره فى مدونتى قريب و لو مش عايزنى أستخدمها قولى و أنا مش حازعل

عاليا حليم
اهلا بيكى واشكرك على اهتمامك بموضوعاتى المصورة
المدونة كلها تحت أمرك وخدي الصور اللى انتى عاوزاها من غير اذن خالص
الموضوع بسيط جدا ومش محتاج استئذان

نورتينى
خالص مودتى