تلعب الدعاية الاعلانية دورا كبيرا ومهما جدا فى زيادة اقبال المستهلكين على منتج ما بعينه
ولذلك تتبارى شركات الدعاية والاعلان على ابتكار طرق وافكار جديدة لجذب المستهلك
وقد جمعت لكم بعض هذه الافكار الرائعة والتى ابهرتنى جدا
وارجو ان تنال اعجابكم ايضا
كما نرى فهذا اعلان عن عيادة أسنان تعرض على مرضاها تأمينا شاملا على الأسنان
وهذا اعلان ضخم على سطح احدى البنايات عن احد انواع الشرائط اللاصقة القويةفكرته رائعه جدا ، فكما نري فقد تم تثبيت اللوحة الاعلانية بالشريط اللاصق نفسه
اعلان مبتكر جدا عن شامبو الشعر ، واعذرونى لفجاجة الصورة ولكن ما أعجبنى حقيقة هى الفكرة
اعلان عن احد ماركات الملابس الرجالية
اعلان رائع عن أحد معطرات الفم 
واخر مبتكر عن احد محلات العاب الأطفال، حيث استغلوا اللقطة الشهيرة لفيلم تايتانك ووظفوها فى الاعلان
الدعايات الخاصة بمعطر الجسم كثيرة جدا ولكن معظمها لا يصلح للعرض
واخترت هذا الاعلان من بينهم لأنه اخف وطأة
انتهى الجزء الثانى ، يرجى متابعة الجزء الثالث بالأسفل
24 comments:
افكار بصراحة تحفة
انا بحب جداا افكار الاعلانات جدااا
أنا كامن بقول اني الأفكار دي تحفة
عادل انت ما فيش حاجة ما بتحبهاش؟ههههههه
stunning especially the shampoo idea!!
ههههههههه
:) بجد إعلانات تحفة
بحكم دراستي للإعلام فالصورة فعلاً مهمة جداً ..
في مقولة صينية بتقول :
" الصورة تقوم مقام ألف كلمة " ..
:) ده أول حاجة بنتعلمها في الإعلام بشكل عام .. الصورة الصحفية عن حدث خارق للطبيعة أحسن من مقال كامل للكلام عن الحدث نفسه .. وبعدين الصورة ليها مفعول السحر على الموجه لهم الإعلان .. زي الصور اللي انت جبتها دي ..
بتخلق للموجه لهم الإعلان الاحساس بضرورة شراء الحاجة المُعلن عنها .. بجانب صورة الإعلان نفسه .. ففي كمان وقت عرضه .. يعني أنا أعلن عن حاجة أحط الإعلان في موعد إذاعة المسلسل العربي .. عشان بيكون فيه كثافة مُشاهدة في الوقت ده .. مش أحط الإعلان مثلاً قبل أخبار الساعة السادسة !! .. محدش هيشوفه أكيد .. ولو شافوه مش هيهتموا لإن الأخبار هنا بتتفوق على الإعلان في أهميته ..
وفي الصحافة كل ما أحط الإعلان في مكان ومساحة مناسبة كل ما ده هيخلي في تعرض أكبر للإعلان بتاعي ..
وفي الصحافة برضه الإعلان المُلون له أهمية عن الإعلان الأبيض والأسود .. وللألوان دراسة برضه عنها ..
في حاجة كمان لو بنتكلم عن الإعلان التليفزيوني مش الصحفي بنحسب دقائق الإعلان .. يعني إعلان مدته دقيقة يبقى 1000 جنيه عن الدقيقة دي .. مدته دقيقتين 2000 جنيه .. وهكذا
طبعاً الألف دي مجرد رقم .. مثال يعني .. لإن التليفزيون كل فترة له حسبة مختلفة .. يعني حسبة الإعلان في شهر رمضان غير حسبة الإعلان في أي شهر ثاني من شهور السنة ..
وبعدين انت بتدفع عن الدقيقة الواحدة 1000 جنيه ولو الإعلان يتعرض ثاني في نفس اليوم يبقى 2000 .. وهكذا
طبعاً في شركات ضخمة زي موبينيل بتعمل إعلانات حلوة أوي .. مُكلفة بس فيها أفكار وده أهم حاجة في الإعلان الفكرة ..
:) طولت عليك زي عوايدي .. يلا أشوفك على خير
محمد عادل \ أوسكار
ناس محترفه بتفكر ن مستغربين ليه
عادل باشا
انا بتعجبنى جدا الافكار المبتكرة والمميزة والدعايات الذكية
عشان كده اخترتلكم المجموعة دي لإنها ممتعة جدا
وابقى تابع الجزء الثالث والاخير
anima
مالك ومال عادل؟؟
بلاش تغلسى عليه .... ده حبيبنا
هههههههه
نورتينى بزيارتك
sabrina
اهلا بيكى فى مدونتى المتواضعة وياريت دي متكنش زيارتك الاخيرة
طبعا الافكار معظمها مميزة جدا وعالية الذكاء
وانا متفق معاكى ان فكرة اعلان الشامبو دي تحفة ومذهلة
نورتينى
محمد باشا اوسكار
دايما بتضيف بتعليقاتك الثرية ثقافيا وانسانيا يا برنس
انت فعلا شرحت وفصصت الموضوعغ كله ومن كل النواحى والزوايا
يعنى تعليقك ده ممكن يتعمل بيه دراسة كاملة
شكرا ليك لإهتمامك ودوام متابعتك لما ادونه
تحياتى
استاذ محمد عبد الغفار
الناس دي قبل ما تفكر بتدرس
وقبل ما يدرسوا بيكشفوا على مواهبهم ويعرفوها
وقبل ده وده بيبقى فى رعاية واهتمام وامكانيات كاملة
عشان كده بينجحوا وبيعملوا الاعاجيب دي
نورتنى يا غالى
اعلان السوليتب حلو اويييي
تسلم ايدك عجباني الافكار الي انت حاطتها
والله البنت الي في الاعلان قمر بجد
غير باقيت الاعلانات
تحفه تسلم ايدك
أكيد إن هذا الابداع خلفه كذا فنان
من أول مًصمم الفكره حتى مًصمم الإكسسوار إن تطلب الامر
إلى الديكور الذى له دور قوى
إن تكلمنا عن الاعلان التليفزيونى
إلى المًخرج الذى يًعتبر بمثابت برواز
اللوحه و المسؤل عن كل شىء بها
أعجبتى فكرت البلوج أيضاً
بالتوفيق
يا اخي الناس دول افكارهم لا تنضب بمعنى الكلمة..افكار برغم من بساطتها لكن مؤثرة جدا و بالذات بتوع الشريط اللاصق و معطر الجسم ملهمش حل..تسلم ايديك
O dia 25 de Abril de 1974 foi o dia do derrube da ditadura fascista em Portugal, a chamada REVOLUÇÃO DOS CRAVOS, e a queda do (poder) dos inimigos do povo. 25 de Abril, sempre.
Day 25 of April of 1974 was the day of it knocks down of the dictatorship fascist in Portugal, the call REVOLUTION OF the flowers, and the fall of the power of the enemies of the people. 25 of April, forever!
يوم 25 نيسان 1974 كان يوم تقرع عليها من الديكتاتوريه الفاشيه في البرتغال والدعوة للثورة الزهور ، وسقوط سلطة أعداء الشعب. 25 نيسان ، الى الابد!
День 25 апреля 1974 года, в день он постучит в воздухе фашистской диктатуры в Португалии слово О РЕВОЛЮЦИИ цветы, и падение власти враги народа. 25 апреля, навсегда!
Le jour 25 d'avril de 1974 était le jour de lui frappe vers le bas du fasciste de dictature au Portugal, de la RÉVOLUTION d'appel des fleurs, et de la chute de la puissance des ennemis du peuple. 25 d'avril, pour toujours !
Tag 25 von April von 1974 war der Tag von ihm klopft unten vom Diktaturfaschisten in Portugal, von der Anruf REVOLUTION der Blumen und vom Fall der Energie der Feinde von den Leuten. 25 von April, für immer
25天41974年的一天,它拍下來的法西斯獨裁政權,葡萄牙 號召革命的鮮花,秋天的權力得到人民的敵人. 25日,永不停息
السلام عليكم
معلهش يا أسامة في مشكلة عندي وكنت عاوز استشارتك
دلوقتي كتبت موضوع على الوورد خلاص ،وبضبط عليه الصور ، صورة منهم اسودت كده ، جوه الوورد ، ومعرفش ده حصل
إزاي ، والجهاز هنج قلت أعمل
Restart
آجي أفتح الصفحة الوورد
نفسها مش عايزة تتفتح ، في يا ترى أي حاجة أقدر أفتح بيها الصفحة الوورد دي
وخصوصاً إني حاولت أجرب ال
Text Document و Word Bad و Notebad
وحتى الفوتوشوب مش عايز يفتح برضه ..
في أي برنامج ممكن يصلح الملف ده .. جربت
Easy Recovery
مفيش فائدة ..
بيديني Erorro
لما أعمل Repair ..
وحاولت أبعته لأي حد الإيميل مش عاوز .. وحاولت أفتحه في السايبر اللي بتوصل منه للإنترنت مفيش فائدة ، بجانب إني كل ما أنقل الصفحة الوورد مش عايزة تتنقل
ومعلهش لو كنت أزعجتك بس بجد مش عارف أعمل إيه واللي يحرق دمك إنه شغل يعني حاجة مهمة ..
محمد عادل \ أوسكار
المدونتين فى منتهى الجمال
وانت أثبت بالفعل انك فنان
خالص تحياتى واعجابى
اهلا سها
منورة يا بنت بلدي
اعلان السيلوتب من افضل الافكار المعبرة فعلا
ذكاء رهيب فى توصيل الرسالة الاعلانية بشكل عملى واضح
نورتينى
lion king
اهلا اهلا بيك
ربنا يخليك ...كلك ذوق يا ذوق
اتمنى انى اكون قدرت ابسط حضراتكم باتلبوست الاعلانى ده
واوعدكم دائما بالجديد والمميز
شكرا لمرورك
gohayna
والله يا جهينة مقاييس الجمال بتختلف من شخص لآخر
بس ده مايمنعش انها جميلة
اهلا بيكى وشكرا لمتابعتك
تحياتى
carol 2002
اهلا بيكى ونورتينى حقيقي
وتعليقك بيدل على اطلاعك
وانا طبعا متفق معاكى جدا فى كل كلامك وعاوز اقول ان كلامك ده تلخيص لكامل العملية الاعلانية
شكرا لإضافتك ولمرورك الكريم
وشكرا لكلامك الجميل
خالص تحياتى
شريف باشا
اهلا بالغالى
ابداعاتهم الجميلة دي هى اللى شدتنى لعمل البوست ده
انا بتغاظ جدا لما اتفرج على اعلاناتنا
مجرد لوحات راقصة مع اغانى بلهاء وخلاص
لكن اعلاناتهم لما تشوفها بتنبهر بيها
عارف ليه؟؟
لإنهم بيسيبوا المنتج يتكلم عن نفسه بدون تابلوه راقص او اي نوع تانى من الهيافة والافكار السطحية
نورتنى يا برنس
الحاج سانتوس
هقولك حاجه واحده بس
الله يعطيك العافية
God help u
محمد باشا اوسكار
اسف عالتأخير فى الرد بس للاسف جهازي كان بعافية شوية
انا حاولت اعرف سبب لمشكلتك عشان اعرف الحل بس معرفتش
وبعدين انا كلمت الشباب عندنا فى الشركة فى قسم ال
IT
وشرحتلهم الوضع بالظبط
فقالولى هاتلنا الملف ده واحنا نحاول فيه
السؤال بقى
هل تقر بأي شكل تبعتلى الملف ده؟؟
حتى لو تحاول تجيبه من خلال الدوس
انا مش عارف هل عندك جهاز يكون عليه نظام ويندوز قديم تقدر تشغل الدوس من خلاله
او عندك مثلا نظام تانى غير الويندوز تقدر من خلاله سحب الملف ونسخه وارساله بالايميل؟؟
كان نفسى اساعدك حقيقي بس المشكلة انك قمت بكل ما يلزم على حسب اعتقادي
على العموم
عرفنى بآخر التطورات
ماشى يا صاحبى؟؟
voice of love
اشكرك بشدة وعنف على كلامك الجميل
حقيقى اخجلتم تواضعنا
انا بحاول ابذل اقصى جهدي فى اختيار المواضيع والصور عشان اقدر افضل على نفس المستوي اللى عودتكم عليه
وكلامك ده بيثبتلى انى ماشى فى طريقى الصحيح
اشكرك مرة تانيى وياريت زيارتك تتكرر ونسعد بكى فى اي وقت
على فكرة
انا زرت مدونتك يا دكتورة وعجبتنى جدا واحييكى على ذوقك فى اختيار مواضيعك
انا لسه ماعلقتش عندك لضيق الوقت لكن انشاء الله فى اقرب فرصة هتلا قينى عندك
خالص تحياتى
السلام عليكم
الجميل أسامة .. :) يا جميل كفاية والله اهتمامك وتعبك ده ..
أنا جربت كذا حاجة ، منها إني بعت الصفحة لأخويا ، بس قالي إن الإيميل وصله وبيقوله إن الصفحة عليها فيروس ..
:) طبعاً مكنش عندي وقت أجرب أي حاجة ثانية .. فرحت زي الشاطر كده كتبت الموضوع ثاني ، والحمد لله إني كتبه على ورق عادي ، بس يغيظك لما تتعب في حاجة وخلصتها وعايز تشوف حاجة جديدة ، تلاقي تعبك راح بسبب فيروس ، فتسيب الجديد وترجع للقديم ثاني !! ..
:) الدنيا ريشة في هوا ..
:) متشكر مرة ثانية لتعبك يا جميل ، ومستني موضوعاتك الجاية .. ومقلتليش رأيك في المسرحية صحيح .. هههههه مش قلتلك هي طويلة .. :) عامةً في انتظار رأيك بمجرد ما تخلصها ..
تحياتي
محمد عادل \ أوسكار
Post a Comment