الست هتفضل ست
مهما حصل اللى فيكم فيكم يا بنات
اتفرجوا بقى على الهانم المحترمة اللى لسه عامله حادث وطلعت
الحمدلله سليمة من العربية وشوفوها بتعمل ايه
الحمدلله سليمة من العربية وشوفوها بتعمل ايه
الهانم قاعدة بتسرح فى شعرها
اول حاجه عملتها بعد الحادث ،انها طلعت شنطة الماكياج ، اصلها مكسوفة تقابل الظابط وشعرها منعكش ووشها متبهدل
دا حتى يبقى عيب برضه
حاجه تغيظ فعلا العربية مدمرة بالكامل ، والحادث واضح انه كان بشع والهانم ولا هي هنا
بذمتكم .... مش حاجه تفرس ؟؟؟
صدق من قال : عش.... لتري ما يغيـــــــظ
19 comments:
هههههههههههههه
فكرتني يا جميل باللي قاله " د. أحمد خالد توفيق " في قصة " أسطورة رونيل السوداء " في إن إزاي الست بتهتم بالجمال ، لدرجة إنك بتشوف ستات يحطوا على وشهم ماسك زبادي ، أو ترانشات خيار ، لدرجة تحس إنها زومبي هتقوم تاكلك دلوقتي ! ..
ولا اللي بتستحمى في بانيو كله لبن ! ..
:) الست عشان الجمال تعمل أي حاجة .. يمكن عشان كده بنحبهم ..
:) إن شاء الله دي أول زيارة ومش هقطع زيارتي ليك أكيد ..
تحياتي
محمد عادل \ أوسكار
http://oscar2008.jeeran.com/
تصدق حاجة تفرس
مع ان مش كل الستات كده ، لكن بجد حاجة تفرس
معظم الستات هيخرجوا بانهيار عصبي عاهة مستديمة او حتى مايخرجوش مش مهم
لكن المنظر ده حقيقي حاجة تفرس
ومش هقول اكتر من كده
لاني مفروس
يا صديقى دى كمان اجنبيه تعالى شوف هنا فى مصر ممكن يحصل ايه .
تبقى موش لاقيه تاكل ولابسه لبس ايه وعايشه فى الدور مانيكير وباديكير وروجاجو وايلاينر ولا حتى بيفهمو فى الميك اب وتلاقى على رأى الاخ محمد انك واقف قدام (زومبى ) واحدة ميته يعنى وصحيت ساعتين وراجعه تانى .
وربنا يستر علينا من الخضه وخصوصا اول مرة هاتشوف فيها مراتك من غير ميك اب وهى صاحيه من النوم :(
محمد فوزى
ههههههههههه
عادى يعنى
دى اقل حاجة
تصريحات معادية للنساء
اقبضوا عليييييه
هههههه
باستثناء انها متبرجة
بس لو انسانه شرقية فعادتها وتقاليدها او غربية بعادتها وتقاليدها فى مجتمعها
منقدرش نلومها على اهتمامها بمظهرها .. ممكن تكون حاجة تغيظ بالنسبة لناس كتير بس عندها مظهرها اهم ف احلك الظروف .. مظنش ان دا غلط .. هى حرة
خالص مودتى
ست بئى معلش هتعملها ايه..بالنسبة لها ممكن متكنش خدت بالها من الحادثة اصلا او ممكن تكون الحادثة حصلت و هي بتظبط الميك اب جوه العربية فلبست بالعربية في اي حاجة
ههههههههه
بجد ضحكتني
حلوة أوي
يابني انت متعقد من الستات ليه؟
محمد عادل
ازيك يا مان
تعليقك هلكنى من الضحك وبيدل على ثقافتك وسعة اطلاعك
واكتر حاجه عجبتنى لما قلت
الست عشان الجمال تعمل أي حاجة .. يمكن عشان كده بنحبهم ..
نورتنى يا غالى
استاذ احمد
انا مش عاوز تحرق دمك ، صحتك بالدنيا
وعشان خاطرك البوست الجاي هيبقى حاجه تانية خالص ومالهاش دعوة بالجنس الناعم عشان صحتك غالية علينا
نورتنى
محمد فوزي
معاك حق والله
بناتنا عندهم فوبيا اسمها الطله الحلوة
حتى المحجبات اللى المفروض يحترموا حجابهم بتلاقى بعضهم حاطط 2 كيلو بوية وبودر وحاجات غريبة
نورتنى
الوردة السوداء
دي اقل حاجه؟؟
ههههههههه
يااااه عليكى
امال لو مش فى العادي كان ايه اللى حصل؟؟
ربنا يسترها
شرفتينى وياريت تكرري الزيارة
Rivendell
كده يا سها؟؟
ماكنتش اتوقع انها تيجى منك
بس على فكرة
انا لسه عندى مواضيع ابشع من كده عن الجنس الناعم
يانا يا انتم بقى
ههههههههههه
نورتينى
FrEe.PhArAoH
اهلا بيك فى زيارتك الاولى
انت وضحت نقطة مهمه وهى اهتمام البعض بمظهره فى اصعب الظروف
وهذا شئ جيد ولا يعيب ابدا
شكرا ليك
نورتنى
شريف باشا
فعلا ياشريف
فى ناس تركيزها بيطغى على اي حاجه تانية
بس اعتقد انه مش للدرجادي وخاصة فى مثل هذه الحالة
نورتنى يا غالى
دينا فهمى
انا سعيد انها ضحكتك
هدفنا هو رسم البسمة على وجوهكم
عشان كده عملت المدونة دي لكى تكون بعيدة عن السياسة والهم والمشاكل اللى فى مدونة كلام لوجيك
نورتينى حقيقي
anima
انا مش متعقد منكم بدا
انا بس بحب أغلس عليكم
وانكش فيكم شوية
تحياتى
نورتينى
أصلاً المفروض نقاطع النوعية ديه من البوستات
عشان منضطرش تقرى الكومنتات الحقودة المتغاظة
يا عينيييييييييى
غلابة قوووووووووى
و بعدين إنت مالك يا اسامة بالستات محروق قوى منهم ليه
ما تقاطعنا و خلاص
طب هي هتعمل ايه يعني
العربيه ودششت
لأزم هي بقي تشوف نفسها
ولأجاب ديه بكره يجبلها غيرها!!!!!!!
سيادة القائدة يارا
انتى عاوزة تقودي حملة مقاطعة لمدونتى الغلبانه
عاوزة تخلى الاخوات البلوجريات يقطعوا علاقتهم الديبلوماسية بمنظمة ساكاماكا؟؟
ليه كده بس ؟؟ ما كنا حلوين
خلاص يا يارا من هنا ورايح مفيش اي بوستات ضد الجنس الناعم
احنا مش ناقصين وقف حال
ههههههه
انا مقدرش أقاطع الجنس الناعم ابدا
وهل لحياتنا طعم بدونه؟؟
تحياتى
sabrina
يا اهلا بالناس اللى واخدة الموضوع ببساطة
يعجبنى الدماغ العالية
ايه هدوء الاعصاب والبساطة اللى واخدة بيها الموضوع؟؟
ههههههههه
ياسلام
بس انتى معاكى حق فى حاجه واحدة
اللى جابلها السيارة هيجيبلها غيرها
نورتينى وياريت تكرري الزيارة
دمتم جميعا بكل خير
Post a Comment