اهم حاجه فى التصوير انك تختار التوقيت والزاوية الصح
ساعتها بس ممكن تطلع صورة حلوة ومالهاش حل
وعشان أوضح لكم كلامى اكتر شوفوا الصور وقولولى رأيكم
الشاطر يقول ... دماغ مين فيهم؟؟
===============المصورين انواع
فى المجنون وفى الموهوب وفى الهاوي وفى اللى بتيجى معاه بالصدفة
النهرده بقى هنتكلم عن النوع الاول ، المجنــــون
هذا النوع من المصورين مستعد يعمل اي حاجه عشان يقدر ياخد لقطة متكلفة وترضى غروره
هنا احنا شايفينه معتلى القمة ومركز جدا فى عدسة التصوير ومنهمك فى عمله
واللقطة دي بتبين بعد ما انهى عمله وبيقفز من على ارتفاع رهيب
المسافة بين الصخرتين مش بعيده ماختلفناش
بس المشكلة انه على الارتفاع ده الهواء بيكون قوي وعنيف جدا ، يعنى اي دفعة هواء ممكن تعمل احلى واجب معاه
تمت العملية بنجاح
21 comments:
مجنووووووووووووووووووووووووووووووووون
Rivendell
مين؟؟
كاتب الموضوع
ولا
المصور اللى عالجبل؟؟
نورتينى يا سها
:) بيقولوا الفنون جنون .. وده صحيح فعلاً ..
بطبيعتي ولإني بحب السينما ، وليا أصدقاء من الوسط نفسه ، فطبعاً بسمع حاجات كثير مجنونة زي دي ..
:) وفي السينما الأمريكية بيستعينوا بدوبلير يكون أجره أعلى من أجر بطل الفيلم ، لإنه بيقوم بحركات خطيرة جداً ، عشان المشاهد الخطرة اللي في الفيلم ..
:) ده مش بعيد على المصورين السينمائيين .. صديقي العزيز " إبراهيم البطوط " مخرج فيلم " إيثاكي " ، وهو فيلم جميل جداً ، وكان الفيلم المصري الديجيتال الوحيد اللي كان مشترك في مهرجان القاهرة السينمائي الدولي الأخير .. قعد حوالي 18 سنة مراسل حربي .. بيصور حروب في البوسنة وغيرها من البلدان .. وفعلاً مصور الحروب بيكون في كذا معاناة ، أولها إنه بعيد عن وطنه ، وفي وسط حرب ملوش ناقة ولا جمل فيها ، بجانب المشاهد البشعة للحروب ، اللي بيشوفها المصور ..
ده غير المصورين الفوتوغرافيين .. منهم مصور إيطالي قام بتصوير صورة لراجل عجوز أفريقي ، وهو مستني طفل يموت عشان ياكله !!!!!! .. الصورة دي أخدت جائزة عالمية ، لكن المصور اللي صورها مستلمهاش ، لإنه بعد ما صور الصورة دي انتحر !!!!!!!!!..
معاك طبعاً إن الفنون جنون .. أنا ذات نفسي لسه عايش الجنون ده في المسرح ، مع إني مكملتش تمثيل ، بس ماشي في الكتابة ، ومش عاوز أقلك الموضوع ده يجنن قد إيه .. قعدت حوالي سنتين أكتب في نص مسرحي ، ولغاية دلوقتي متحولش كتاب ، ولا اتعمل مسرحية !!!!!!! ..
ومع ذلك مقدرش أوصفلك سعادتي لما خلصت النص ، لإني استفدت كثير وأنا بكتب ، وكان النص من النوع السايكو دراما ، المُعتمد على الدراما النفسية ، يُعتبر من النصوص المسرحية المصرية القليلين أوي اللي بيخوضوا في الموضوع ده ..
:) رغيت كثير أنا عارف .. بس مش المصور بس اللي مجنون .. ده اللي كنت عاوز أوصلهولك .. الفن كله " كتابة \ غناء \ تمثيل \ اخراج .. الخ " .. جنون في جنون
تحياتي
محمد عادل \ أوسكار
http://oscar2008.jeeran.com/
تحفه
متهيألى الصورة متفبركة و مش حقيقية طلعاً ده مش تشكيك فى مصداقيتك يا أسامة ده بس أنا مش مصدقة إن فيه حد بالجنان ده
انا جيت اهو ....وعرفت اعلق امبارح كان معلق بجد وهييييييييييييييييه
جميييل جميل جميييييييييييييييييل
ونبى تانى ومتتأخرش هات اى صور الى يعجبك عالشان انا هاجى هنا كل يوم
الصور الأولانية حلوة كثير
أما المصور بقى بيشبهني أنا كمان باعشق التصوير للدرجة دي
و اللي كاتب الموضوع أجن مننا كلنا ههههههههه
كالعادة طبعا موضوع خطير
خلاص عودتنا ننبهر ونسبهل مع كل موضوع جديد
ايه الفن والاتقان دا مش معقول
ايه السر الرهيب اللى يخلى المصور يجنن ويغامر بحياته عشان ياخد كادر معين حتى لو فيه خطورة عليه
الاخ اللى فى الصورة بيعدى بين صخرتين على ارتفاع آلاف الاميال وكأنه بيعدى قناية ميه وكمان بشبشب البيت
صحيح اصحاب العقول
تحياتى يازعيم
لما الانسان يعشق حاجه يتقنها وممكن حياته ماتهموش فى سبيل انه يحقق المتعه
اللى بيحس بيها وهو بيتقن عمله
فالعشق جنون والحب جنون والفن اعلى درجات الجنون.
اهنيك على موضوعك الجميل
محمد فوزى .
محمد باشا اوسكار
اهلا بالغالى ، ازيك يا برنس
تعليقك بصراحة دسم جدا واكثر من ممتاز
واكتشفت انك موهوب فى حاجات تانية غير الكتابة
وياريت تبعتلى روايتك اللى عاملها بنظام السايكو دراما لإنى بحب النوع ده من الروايات
وانا متفق معاك فى كل كلامك
اسعدتنى بزيارتك
تحياتى
الفاضل المحترم محمد عبد الغفار
يادي النور يادي النور
يارب تكون بخير وكل امورك تمام
اشكرك على شعورك وكلامك
وياريت اقدر افضل دايما عند حسن ظن الجميع وعلى نفس المستوي اللى عودتكم عليه
تحياتى
يارا العزيزة دائما
والله يا يارا مش انا اللى مصورهم ، عشان كده مقدرش أفيدك فى موضوع صحتهم من عدمها
لكن اللى عاوز أقوله ان الفنون جنون
والشهرة وحب الظهور قد تكون أقوي من غريزة البقاء فى بعض الأحيان
ولكى اوضح كلامى اكثر هحكيلك قصة
حدثت هذه القصة الحقيقية عندما قامت فتاة برازيلية بالاتصال بإحدي القنوات البرازيلية وقالت لهم انها سترمى بنفسها من فوق احدي البنايات وحددت لهم مكانها حتى يقوموا بتصويرها وهى تنتحر
وطبعا لم تفوت تلك القناة الفرصة وبعثت بمصوريها لكى يصوروا الحدث الحصري والذي سيرفع من نسبة المشاهدة
ولم يكلفوا انفسهم عناء الاتصال بالشرطة
وفعلا تم تصوير الفتاة بالصورة الحية وعلى الهواء مباشرة
طبعا قد يكون كلامك صحيح وقد يكون غير صحيح ، ولكنى اردت ان اوضح لكى انه يوجد بالتأكيد الكثير من المجانين فى كل مكان ومجال
نورتينى يا اختى الأثيرة
السلام عليكم
:) الحمد لله يا جميل
انت إيه أخباراتك ؟
على فكرة في تاج ليك هنا
http://oscar2008.jeeran.com/archive/2007/4/202784.html
:) وممنون لكلامك الرقيق عني .. هي مش رواية .. دي مسرحية يا أبو حميد .. وكل واحدة منهم جنس أدبي .. وهي مأخوذة عن قصة " د. أحمد خالد توفيق " ، و " د. أحمد " عارف الكلام ده طبعاً .. وهتتنشر قريب في دار نشر إلكتروني " كتب عربية " ..
www.kotobarabia.com
:) وطبعاً يهمني رأيك في النص .. وأتمنى إنه يعجبك .. آدي إيميلي يا جميل
mido_cinema@hotmail.com
:) ابعتلي بس ايميلك على الإيميل ده وأنا هبعتلك النص على طول إن شاء الله بس شد حيلك انت واقراه لإنه 129 صفحة ..
تحياتي
محمد عادل \ أوسكار
كاميرا جيرل
ازيك يا ميرو
اخبار شاعرتنا الموهوبة ايه؟
سعيد ان الموضوع والصور عجبوكى واوعدك انى هنشرلكم صور مميزة وجميلة وجديدة كل مرة
انا عندي صور كتير جدا بس بحب اركز جدا فى اختيارها وملائمتها للموضوع عشان افضل على نفس مستوايا دائما
نورتينى
anima
أهلا اهلا
اول مرة اعرف انك بتحبى التصوير كده
خلاص ياريت تنزلى مجموعة من صورك فى بوست جميل عندك فى المدونة عشان نستمتع بكادراتك وابداعك
وانا فعلا مجنون فى موضوع الصور ده
احترسى نفسك
ههههههههههههه
استاذه مرمر
ازيك يا جميل
انا مش عارف والله انتى بتجاملينى ولا بتكلمى جد
ده كتير عليا حقيقي
انا بعتز بيكى جدا وبتعليقاتك الجميلة
دايما بتنوري البلوج بزيارتك
تحياتى
محمد باشا فوزي
ازيك يا مان ، واخبار شغلك ايه؟؟بطلت اشوفك اونلاين عالماسينجر
طبعا انا متفق تماما مع كلامك ومع جملتك الاخيرة خاصة
الفن هو أعلى درجات الجنون
ولذلك فأنا مجنون ايضا
عشان عندي بعض الهوايات الفنية
اهمها المسرح لما كنت فى الجامعة ، بس للاسف بطلته بعد الجامعه
نورتنى يا غالى
محمد عادل الشهير باوسكار
مش عارف اقولك ايه
تاج تانى؟؟
الرحمة يا ناس
تصدقنى لو قلتلك انى عليا تاجين واحد منهم بقاله شهرين والتانى كان امبارح ولغاية دلوقتى ماجاوبتش ولا واحد فيهم
اروح فين بس يا ناس
طبعا انا اشكرك على شعورك الطيب وعلى اهداءك الغالى
بس شكلى كده هبطل تدوين بسبب التاجز
انا بخاف يطلعلولى فى الحلم دلوقتى
هههههههههه
بالنسبة للايميل كان ممكن تاخده من البروفايل بتاعى ، لكن عادي مش مشكلة ... هبعتهولك
وبالنسبة لطول وكبر عدد صفحات المسرحية فأنا عاوزك ماتقلقش خالص لإنى قارئ نهم جدا ولو مسكت حاجه ... استحالة اسيبها غير لما أخلصها
حتى لو كانت 500 صفحة
تحياتى يا برنس
ههههههههههههه
يلا تعيش وتاخد تاجي ثاني يا أسامة " وش واحد بيطلع لسانه " .. وقريت أجوبة تاجك وضحكتني ضحك .. وبعدين النوع من التاجات اللي يعرفك على اللي قدامك كويس أوي .. يعني أديني أهو عرفت حاجات عنك مكنتش أعرفها ..
:) وتم ارسال المسرحية من خلال ميلي اللي على جوجل .. ونفذ اللي مكتوب في الرسالة .. " وش واحد مطلع لسانه غير الثاني خالص " ..
:) وفي انتظار معرفة رأيك في المسرحية ..
:) صباحك سكر يا جميل على رأي كاظم الساهر
تحياتي
محمد عادل \ أوسكار
انا قلبي وقع في رجلي لما شوفت صوره الراجل المجنون دا وهو بينط
والله كان هيغمي عليا
فعلا التصوير فيه جنان كتير
واحسن حاجه انك بتكون مستمتع بالجنان دا
التصوير دا عالم تاني ودنيا تانيه خالص
تحفه الموضوع
وصورك جامده جدا
تحياتي
الصور تحفه وجميلة بجد ودمك زي العسل
بالنسبه لصورة الحصان اعتقد انها للي واقف على اليمين لان الظل بتاع راسه باين على جسمه
مدونتك مدهشه فعلا
Post a Comment