أقوي وأحلى وأطرف التعليقات بعد فضيحة ماتش الجزائر مدعمة بالصور

أبدأ البوست الجديد بعد انقطاعى عن التدوين لفترة تقارب السنتان ، ولكن العوده تحلى بالفرحه الكبيرة لمنتخبنا العظيم حامل اللقب للمرة الثالثة على التوالى

لم أدع فرصة الفوز المبهر على منتخب الخسائر (الجزائر) تذهب سدى دون أن اتحفكم بهذا البوست المميز جدا جدا جدا

وأحببت ان اشارككم الفرحه بمجموعه من أروع التعليقات التى جمعتها من جميع المواقع الاخبارية والشخصية ومن رسائل الموبيل وحتى من الفيسبوك ، وأتحداكم جميعا بأنكم لم و لن تشاهدوا تلك التعليقات الرائعه المجمعه الا هنا

وسنبدأ أولا بمجموعه من الصور والتى وضعت عليها بعد التعليقات الساخرة والتى أتمنى ان تنال اعجابكم

شوفوا بقى الاغنية المسخرة دي وادعولى

بعنوان : مابترحميش يا مصر

نفس لحن اغنية هشام عباس (ماتزعليش يا مصر ) ولكن مع تغيير الكلمات

ندخل بقى على أكبر مجموعة تعليقات جمعت من مختلف المواقعمش هتقدر تبطل ضحك

المغفلين بيشجعو الجزائر ... واحنا مش معاهم

"ون تو ثري فور.. مين اللي عليه الدور"

"كل شجر ليه مطر يرويه.. وكل بشر ليه رب يحميه.. وكل جزائري ليه مصري يربيه"

مصر حتفضل غالية عليا . مصر حتفضل عاليه عليهم

رسائل المصريين بعد المباراة: ليه تستخدم فودافون وموبينيل وشبكة الجزائر بتستقبل أحسن؟!

المنتخب المصري روض النسور والأسود ومن قبلهم الأفيال، وبعد فوزه علي الجزائر استطاع ان يروض كل حيوان يتطاول عليه.

فيلم ( ارقصي ياخضرة لا مش قادره) حاليا بسينما انجولا

طاار في الهوا شاوشي .. بس ماجبهاشي

وان تو تري زيرو لاجيري

ارقصىي ياخضره لأ مش قادره- طب ارقص ياسعدان لا تعبان- طب ارقص يامطمور لأ وسطى مكسور - طب ارقص يابو عزه لأ ولا هزه - طب ارقص يابوقره لا اتكسف اتعره - طب ارقص يازيانى لأ جنابى وجعانى 0000000 طب ارقص انت ياروراوه بس تسمعنى بوس الواوه

عاجل ::: تم منع المطرب صابر "الرباعي" من دخول الجزائر لحين تغير اسمه لصابر اي حاجة تانية

أخر خبر عن كوفى كودجا

اعترف الحكم كوفى كودجا عند التحقيق معه من قبل الكاف انه أخذ رشوة كبيرة من الاتحاد الجزائرى وذلك لجعل المباراه 4-صفر بدلا من 8-صفر

وديع وتهامي باشا هيعملوا فيلم .. وديع دخل وهو جايب معاه لاعيبة الجزاير وبينزلهم يسخنوا في الماتش وتهامي باشا بيقولوا جزاير مين يا وديع مشي النادس دي اديهم حسنتهم وخد اعمل دا .. في السنة اللي الجزائريين سرقوا منا التأهل للمونديال علمناهم الأدب في بنجيلا

سجل يا تاريخ عام الانجازات لمنتخب مصر .. كأس افريقيا السابعة والثالثة على التوالي .. 19 مباراة بدون هزيمة .. المركز العاشر عالميا .. هزيمة المنتخب الجزائرى 4- 0 مع الرأفة ... مراعاة للعروبة

صحيفة "تيليجراف" الإنجليزية: قالت تحت عنوان"مصر حصلت علي انتقامها, والجزائر فشلت في إثبات أنها كانت تستحق الوصول إلى كأس العالم ".

لأنه منتخب الأرقام القياسية، أحرز منتخب مصر الهدف الثالث في مرمى الجزائر بعد 37 تمريرة لم يلمس خلال الجزائريون الكرة إلى أن أودعها محمد عبدالشافي داخل المرمى.

منتخبنا يا مولعها..... خد الجزاير ودلعها حبة يمين وحبة شمال..... منتخبنا يهد جبال اللي هيرفع راسه علينا...... على قفاه هنمد إيدينا اسأل عنا نبقى مين؟...... احنا الفراعنة أهو جايين..... نعلّي ندوس...نهد نفوس..... نبقى كابوس لو عايزين...........

قم للمعلم وفه التبجيلا******ردالمعلم باربعة فى بانجيلا

انما الامم الأخلاق ما بقيت .. فإن ذهبت أخلاقهم شالو أربعة

ياجماعة ريحوا اخوانا الجزائريين وقولوا لهم كلامكم صح بس أنا واحد عاوز أعرف مصر بتعرف تجيب الفلوس دى كلها منين علشان ترشى الحكم بتاع مباراة مصر والجزائر وكمان ترشى الكاف علشان يتأمروا مع مصر على باقى الفرق بما فيهم فريق الكاميرون اللى رئيس الكاف منها !!!؟؟ وبعدين مصر أيديها طايلة ووصلت للفيفا علشان يديها المركز العاشر بين فرق العالم وبالتأكيد مصر دفعت قرشين لآخوانا بتوع نيجيريا والكاميرون علشان يطلبوا حسن شحاته يدرب منتخباتهم ويسيبوا الخبرات التدريبية النادرة اللى بيتمتع بيها أخونا رابح سعدان!!!! والى ذاد الطين بله وخالانى أصدقهم أن جميع الصحف الانجليزية والفرنسية والعالمية هى كمان ذمتها واسعة وقبلت قرشين من مصر علشان تمدح فى أداء المنتخب المصرى والاداء الرجولى للاعبيها الابطال وأخر حاجة بقى أن الاستوديو التحليلى بتاع قناة الجزيرة الرياضية وكان يضم جزائريين (وأنتو كلكم عارفين قناة الجزيرة بتحب مصر وشعبهاقد ايه)هم كمان مصر عرفت تكولس لهم (على رأى أخوانا الجزائريين)وبقوا يمدحوا فى أداء مصر ومدربها ولاعبيها!!؟؟؟ أخر حاجة بطلبها من أخوانا الجزائريين يعملوا معروف ويقولوا لى مصر بتخبى الفلوس دى فين علشان أنا مزنوق اليومين دول فى قرشين وعايز أفك بيهم زنقتى

ايه رأيكم بقى فى تلك التشكيلة المنوعه؟؟ بصراحه صعبانين عليا الجزائريين .. بس هما اللى ابتدوا والبادي أظلم

اللى ييجى عالشعب المصري عمره ما يكسب